افغانستان | شلیک سه موشک به سمت کاخ ریاست‌جمهوری در جریان نماز عید
پلیس کابل می‌گوید امروز صبح در حالی که رئیس‌جمهور و دیگر مقامات افغانستان مشغول ادای نماز عید قربان بودند، «تروریست‌های وحشی» سه موشک به سمت ارگ ریاست‌جمهوری پرتاب کردند.
در زمان این حمله که حوالی ساعت هشت و ده دقیقه صبح انجام شد، اشرف غنی، رئیس‌جمهور، و شماری از مقام‌ها و شخصیت‌های افغان در ارگ ریاست جمهوری مشغول ادای نماز عید قربان بودند.
این موشک‌ها که از ناحیه چهارم شلیک شدند، در ناحیه اول و دوم در نزدیکی «گلبهارسنتر» در چند صد متری ارگ ریاست جمهوری، وزارت خارجه و ساختمان معاون رئیس‌جمهور فرود آمده‌اند.
به گفته پلیس کابل دو موشک دیگر در قلعه علی‌مردان و چمن حضوری فرود آمده است.
پلیس می‌گوید این حادثه تلفات جانی نداشته، اما خسارت مالی اندکی بر جای گذاشته است.
ویدیو توسط تلویزیون ملی لحظه فرود چندین موشک در جریان ادای نماز عید در نزدیکی های ارگ ریاست‌جمهوری را نشان می‌دهد. pic.twitter.com/WpuzI50fGC
— Afghanistan International افغانستان اینترنشنال (@AfgIntl) July 20, 2021
