سياست
پاکستان چهار خواننده افغان را بازداشت کرد
نیروهای امنیتی پاکستان روز دوشنبه چهار خواننده افغان را به اتهام نداشتن مدارک اقامتی قانونی بازداشت کردند.
رسانه‌های افغانستان گزارش دادند، «ندیم شاه، نورالله، سعیدالله و اجمل به اتهام نداشتن مدارک اقامتی قانونی بازداشت شده‌اند.»
خبرگزاری افغانستان «اماج نیوز» گزارش داد: «ده‌ها افغان و پاکستانی امروز در اعتراض به بازداشت این خواننده‌ها تظاهرات کردند.»
گروهی از افغان‌ها و اعضای اتحادیه هنرمندان ایالت خیبر پختونخوای واقع در شمال غربی پاکستان در این تجمع شرکت کردند و از مقام‌های امنیتی خواستند این خواننده‌ها را آزاد کنند.
پس از روی کار آمدن طالبان شمار زیادی از خواننده‌ها و هنرمندان، از جمله این چهار هنرمند، از افغانستان خارج شدند و به کشورهای همسایه مثل ایران و پاکستان یا کشورهای غربی مهاجرت کردند.
