طالبان 1000 سرباز افغان را مجبور کرد به تاجیکستان فرار کنند

گروه طالبان در ادامه نبردهای سنگین خود با نیروهای امنیتی دولت کابل، یک‌شنبه شب بیش از هزار سرباز افغان را مجبور کرده به تاجیکستان، همسایه افغانستان، فرار کنند.

کمیته امنیت ملی افغانستان و سرویس‌های امنیتی تاجیکستان در بیانیه‌های جداگانه اعلام کردند این سربازان پس از درگیری‌های مسلحانه شدید با طالبان از ترس جانشان به تاجیکستان فرار کرده‌اند.

در حالی که کمیته امنیت ملی افغانستان می‌گوید تعداد سربازان فراری به دو هزار نفر می‌رسد، بیانیه سرویس‌های امنیتی تاجیکستان تعداد این افراد را 1037 نفر عنوان کرده است.

پیشروی‌های طالبان و جنگ آن با دولت مرکزی افغانستان از وقتی شدت گرفت که امریکا و متحدانش در ناتو اعلام کردند نیروهای خود را تا 11 سپتامبر سال جاری از این کشور خارج می‌کنند.

اخیراً سخنگوی طالبان در نشستی خبری ادعا کرد بیش از 83 درصد از خاک افغانستان در کنترل این گروه شبه نظامی قرار دارد.