مخالفت آمریکا با بازگرداندن بالگردهای افغانستان به طالبان
سفیر آمریکا در تاجیکستان در واکنش به درخواست طالبان از ایالات متحده برای بازگرداندن بالگردهای افغانستان تأکید کرد که واشنگتن هیچ برنامه‌ای برای تحویل این بالگردها به طالبان ندارد.
«مارک پامرشایم» سفیر آمریکا در تاجیکستان می‌گوید واشنگتن قصد ندارد بالگردهایی را که اواسط ماه اوت ۲۰۲۱ (مرداد) از افغانستان به این کشور وارد شده‌اند، به طالبان تحویل دهد.
سفیر آمریکا در یک نشست خبری در شهر دوشنبه، پایتخت تاجیکستان، گفت این هواپیماها و بالگردها متعلق به طالبان نیستند.
بنا به گزارش خبرگزاری مستقل آسیا پلاس در تاجیکستان، پامرشیم اشاره‌ای به جزئیات گفتگوهای آمریکا و تاجیکستان در این زمینه نکرده است.
مناقشه بر سر بالگردهای خارج شده از افغانستان بین طالبان و دولت تاجیکستان، چند روز پس از به قدرت رسیدن طالبان در کابل آغاز شد.
بیش از نیمی از هواپیماهای نظامی افغانستان در جریان فروپاشی دولت سابق این کشور در اواسط ماه اوت ۲۰۲۱، به خارج از کشور منتقل شده است.
براساس گزارش‌ها، در اواخر ماه اگوست شماری از خلبان‌های نیروی هوایی افغانستان همراه با اعضای خانواده‌شان چند ساعت قبل از سقوط کابل به همراه حدود ۱۵۰ فروند هواپیما و بالگرد به کشورهای همسایه از جمله ازبکستان و تاجیکستان فرار کردند.
