گوناگون
بر خلاف عربستان سعودی؛ فردا عید قربان در افغانستان است!
ذبیح‌الله مجاهد، سخنگوی دولت طالبان اعلام کرد، فردا (دوشنبه) روز اول عید قربان در افغانستان خواهد بود.
بر اساس گزارش رسانه‌های داخلی افغانستان، ذبیح‌الله مجاهد، سخنگوی دولت طالبان، دیروز (شنبه) در صفحه ایکس خود اعلام کرد که «طبق اعلام ستره محکمه»، دوشنبه روز اول عید قربان در افغانستان خواهد بود.
وی در این پست نوشت: «یک‌بار دیگر یادآوری می‌کنیم که امروز شنبه روز عرفه نیست، بلکه فردا یکشنبه روز عرفه و دوشنبه روز اول عید قربان است.»
وی در این پست همچنین تأکید کرده است که همین حکم شرعی است.
دولت طالبان در حالی فردا دوشنبه را روز اول عید قربان در افغانستان اعلام کرده است که عربستان سعودی امروز یکشنبه را روز اول عید قربان اعلام کرده و صدها هزار زائر امروز در تپه عرفات تجمع کرده، دعا می‌کنند و نماز می‌خوانند.
