روسیه: دو سوم مرزهای افغانستان با تاجیکستان به تصرف طالبان درآمد

وزارت خارجه روسیه امروز جمعه اعلام کرد که طالبان دو سوم مرزهای افغانستان با تاجیکستان را به کنترل خود درآورده است.

ماریا زاخارووا، سخنگوی وزارت خارجه روسیه، در این مورد با اشاره به افزایش سریع تنش در مرز افغانستان و تاجیکستان گفت: «طالبان خیلی سریع مناطق مرزی را اشغال کرده است و اکنون کنترل دو سوم مرزها با تاجیکستان را در اختیار دارد.»

پیش از این طالبان از تصرف «رودخانه پنج» در مرز تاجیکستان خبر داده بود.

به دنبال تشدید جنگ در شمال و شمال‌شرق افغانستان، امام‌علی رحمان، رئیس‌جمهور تاجیکستان، روز دوشنبه ۱۴ تیر دستور داده بود که ۲۰ هزار نیروی ذخیره را به نقاط مرزی با افغانستان مستقر کند.

گفتنی است که گروه طالبان در ادامه نبردهای سنگین خود با نیروهای امنیتی دولت کابل، شب یک‌شنبه 13 تیر بیش از هزار سرباز افغان را مجبور کرده به تاجیکستان، همسایه افغانستان، فرار کنند.